Gazsjellësi Trans Adriatik (TAP) AG është një kompani me sipërmarrje të përbashkët e themeluar me qëllim planifikimin, zhvillimin dhe ndërtimin e tubacionit të gazit natyror TAP.

Tubacioni Trans Adriatik do të sjellë gazin natyror nga rajoni i Kaspikut në Evropë.

Struktura aksionare e projektit të gazsjellësit Trans Adriatik përbëhet nga AXPO zviceriane(42.5%), Statoil norvegjez (42.5%) dhe E.ON gjerman (15%).

TAP AG e ka selinë e tij në Baar, Zvicër dhe ka filiale në Athinë, Romë dhe Tiranë. Përfaqësuesit e TAP punojnë edhe në Bruksel e Stamboll.

Aktualisht, TAP punëson rreth 60 specialistë të naftës dhe gazit nga 24 vende dhe mbi 200 ekspertë nga kompanitë e shërbimeve të kontraktuara.